الشاعر أحمد عبدالمجيد ينشر أول خواطره الشعرية على موقع صوت دياى

(( الشاعر أحمد عبدالمجيد ينشر أول خواطره الشعرية على موقع صوت دياى ))

قصيدة  " اول بحبك "

اول بكايا كان عشانك
واول قصيدة كانت عشانك
واول حب كان ليكي وقلبي عمره ما خانك
رماكي في بحر بلا اخر وسابك وحدك في اوهانك
ودلوقتي جايلك جري يدوق ضمة في حضنك بحنانك
واسف لو في يوم سبتك عشان حلمي اللي خدني معاه
اديه الزمان جابلك حقك ووري القلب ما وراها
ولاسابه بخضار ارضه ولا جابه ولا وداها
قطم ضهري وقطع نخلي ياريتك بيا ما تخلي
خلاص الحمل جاب اخري
وعارف لسه القلب مش نسياها
وسامحيني
بقد امي ماكنت اغلط وكات هي تسامحني
بقد طيفك المجنون ما كان بيجيني يدبحني
ويخطفني ويسرقني ويجرحني ويخلي البكا افراح
وياخد روحي وياكي علي الجنة وتبات ترتاح
واشوف عينيكي في منامي واصحي من نومي الاقاكي
وادوق الشهد من فمك
يتوه دمي مع دمك
انا اهلك انا حبيبك وانا اخوكي وانا صاحبك وانا عمك
تعالي جوا مملكتك في احضاني
نعرفهم كيف الحب ونرجع الحياة تاني
وكحلك لسه في رموشك وعطرك لسه كيف ماهو
قوليلي في بعدي كام واحد شافوكي ودابو وتاهو
ولسه شعرك الناعم بينزل لسه علي عينك يبوس خدك وجبينك
واصحابك و بنات خالتلك لساهم برضوا حاسدينك
قوليلي روحتي فين فينك
بشوف الجنة في عينك
ولما تاني الاقاكي
راح اخدك عند صخرتنا
نشوف البحر يضحك لينا ونرسم علي الرمال بيتنا
ده حتي الصخرة فاكرانا ولسه عليها اسامينا
ومين قال الحجر قاسي ده انا بشوفها بتبكي علينا
وبشوف البحر بيسئلها فين امواجه تلاقينا
عشان تحضنا زي زمان وطيورالحب تنادينا
فهستناك حبيبي هناك مكان مازمان اتلاقينا
عشاان اول بكايا كان عشانك
واول بحبك كانت عشانك
واول حب كان ليكي وقلبي عمره ما خانك

#  للشاعر أحمد عبدالمجيد السملاوي #